അനർഘം

 ഉമാദേവി ഏ.എസ്.

     കുന്നന്താനം 

പച്ചപ്പട്ടുടുത്തിട്ടുന്മേഷത്തിലാറാടി –

പുത്തനുണർവേകി നില്ക്കും സുന്ദരീ

നീലിമ നിറഞ്ഞ അപ്പൂപ്പൻ താടിക്കൂട്ടം

ഓടിക്കളിക്കും വിഹായസ്സിൽ കീഴെ

ആനന്ദത്തിലാറാടി നില്ക്കും

നിന്റെ യൗവനം മദാലസം

മോഹിപ്പിക്കുന്നെന്നെയൊത്തിരി

...........................................

നിൻ മടിത്തട്ടിൽ തലവച്ചു

ഞാനൊന്നു മയങ്ങട്ടെ ....

പൊടിതുപ്പും ശകടങ്ങൾ തൻ

ഘോർഗർജ്ജനം, വാതുറന്ന –

ലറും രാക്ഷസന്റെ ആക്രോശം

ഒന്നുമിന്നെന്നെയലട്ടാനില്ല

നിന്റെ മാന്ത്രിക സാമീപ്യം

ഒന്നു മാത്രം മതിയെനിക്കാനന്ദിക്കാൻ

നിന്നിലലിഞ്ഞില്ലാതാകാൻ

കൊതിക്കുന്നെൻ മനമെന്നും .

അനർഘമാകട്ടെ ഈ നിമഷം

എന്നെന്നും അനർഘമാകട്ടെ.