അനാഥ (കവിത)
നിത്യാലക്ഷ്മി എല്
oridam
0
നിത്യാലക്ഷ്മി എല്
-------------------
എനിക്കൊരു
സ്ഥലമില്ല,
ഇടമില്ല,
വീടില്ല!
ഞാനൊരു പാവം അനാഥ!
ഒരു നിമിഷത്തില്
ജനിച്ച വീട്ടില് നിന്നിറങ്ങുന്നു,
അടുത്ത നിമിഷം
അതേതോ അന്യഗൃഹം,
അവരെന്റെ വരവില്
വിരുന്നൊരുക്കി,
തിരിച്ച് പോക്കിന്
വഴിയൊരുക്കുന്നു!
കൈ പിടിച്ചവന്,
പറഞ്ഞു വിടുമ്പോള് പോകണം;
അവന്റെ വീട്ടില് ഇടമില്ല,
അത് അവന്റെ വീടല്ലേ!
എനിക്ക് വീടില്ല,
ഇടമില്ല,
സ്ഥലമില്ല.
ദിക്കറിയാതെ ചെന്നു കേറി,
അതിഥിയായി ഭിക്ഷ വാങ്ങണം,
കഴിക്കണം, ഉറങ്ങണം!
അനാഥയ്ക്ക് ഇതൊക്കെ മതി!
തിരിച്ച് അവന് വിളിച്ചാല്,
പോകണം!
ചിരിക്കണം!
മറക്കണം!
ഞാനൊരു അനാഥയല്ലേ;
സ്നേഹം വച്ചു നീട്ടുമ്പോള്,
തൊഴുത് വാങ്ങണം!
ഞാനൊരു അനാഥ;
ആ അനാഥയ്ക്ക് പേര്
സ്ത്രീയെന്നും!
പരസ്യങ്ങള്ക്കും രചനകള് പ്രസിദ്ധീകരിക്കാനും ബന്ധപ്പെടുക:
